സെന്‍സെക്‌സില്‍ 561 പോയന്റ് നേട്ടം; നിഫ്റ്റി 15,000കടന്നു

മുംബൈ: ഓഹരി വിപണിയിൽ റാലി തുടരുന്നു. സെൻസെക്സ് 561 പോയന്റ് നേട്ടത്തിൽ 51,307ലും നിഫ്റ്റി 161 പോയന്റ് ഉയർന്ന് 15,085ലുമാണ് വ്യാപാരം നടക്കുന്നത്. തുടർച്ചയായി ആറാംദിവസമാണ് ഓഹരി വിപണിയിലെ കുതിപ്പ്, ബജറ്റിനുശേഷം വിപണിയിൽ നഷ്ടമുണ്ടായിട്ടേയില്ല. ബിഎസ്ഇയിലെ 1429 കമ്പനികളുടെ ഓഹരികൾ നേട്ടത്തിലും 468 ഓഹരികൾ നഷ്ടത്തിലുമാണ്. 92 ഓഹരികൾക്ക് മാറ്റമില്ല. മഹീന്ദ്ര ആൻഡ് മഹീന്ദ്ര, അദാനി പോർട്സ്, എസ്ബിഐ, ഗെയിൽ, ഐസിഐസിഐ ബാങ്ക്, ഒഎൻജിസി, ആക്സിസ് ബാങ്ക്, ഹിൻഡാൽകോ, പവർഗ്രിഡ് കോർപ്, ടാറ്റ മോട്ടോഴ്സ് തുടങ്ങിയ ഓഹരികളാണ് നേട്ടത്തിൽ. എൻടിപിസി, ബജാജ് ഓട്ടോ, എച്ച്സിഎൽ ടെക് തുടങ്ങിയ ഓഹരികൾ നഷ്ടത്തിലുമാണ്. ആദിത്യ ബിർള ഫാഷൻ, ബാലകൃഷ്ണ ഇൻഡസ്ട്രീസ്, ഗ്ലോബസ് സ്പിരിറ്റ്സ് തുടങ്ങി 140 കമ്പനികളാണ് തിങ്കളാഴ്ച ഡിസംബർ പാദത്തിലെ പ്രവർത്തനഫലം പുറത്തുവിടുന്നത്.

from mathrubhumi.latestnews.rssfeed https://ift.tt/2N6sTN6
via IFTTT